نيران ادهم

جامعه كاليفورنيا عنده سلسله محلات كبيره اسمها الشافعى وشركه مخصصه لحسابات وصفقات الازياء الخاصه بالبراند بتاعهم وعنده مصانع مخصصة لصناعة الملابس اللى بتبدأ من لبس الاطفال لحد الحريمى بكل مستلزماته والرجالى كمان وشركات تانيه للاحذيه والشنط وكل ما يخص الموضة والفاشون دا غير فروعه اللى خارج مصر شعره اسود وقصير وناعم عينه لون سواد الليل وعنده دقن خفيفة بتزيده وسامه جسمه رياضى ضخم جدا بسبب إدمانه الشديد للجيم بشرته قمحاويه وطويل جدا 

يقفل التليفون وبوسى تبصله باستفسار وهو يترجم اللى عاوزه تقوله متحاوليش تفهمى اى حاجه اقوم بيها لانها بتخص الشغل وانا مش حابب انى اعرفك اى حاجه ليها علاقه بشغلى 
بوسى باستغراب بس انت كنت بتقول....
يقاطعها بشيء من الحدة مفهوم 
بوسى تضايق من نبرته لكن تحاول تتغاضى عن اللى حصل لأنهم فى شهر العسل وهى اكيد مش هتفسده بالتفاهات دى وتبص له مفهوم 
تبص للشباك شويه وتحس بايده تمسك ايدها وصوابعه بتتخلل صوابعها تبصله تلقاه باصص قدامه بهدوء تبتسم وتقفل صوابعها على ايده وتنام على كتفه يعدى الوقت يوصلوا قدام الاوتيل السواق ياخد الشنط بتاعتهم ويدخلها الاوتيل وادهم يمسك ايدها ويدخلوا يسأل فى الريسيبشن على الجناح المخصص بيه واحد من الموظفين ياخد الشنط وياخدهم معاه يوديهم الجناح 
ادهم تحبى تغيرى ولا نطلب اكل الأول 
بوسى بابتسامه هغير مش جعانه دلوقتى 
ادهم اوك وانا هاخد شور 

نيران خلصت مشوارها وهى بتبتسم وحست بالرضا من الخطوه الجديده اللى هتقوم بيها فى حياتها ترجع البيت تلاقيه هادى تماما تدخل تطمن على مامتها تلاقيها نايمه تتنهد بارتياح لأنها كانت بتتمنى تلاقيها نايمه او مشغوله عشان معندهاش طاقه تتكلم تدخل اوضتها وهى حاسه پخنقه مش طبيعيه وقلبها بيدق بعدم انتظام رغم انها كانت مرتاحه الا ان قلبها حاليا بيعلن ان دى مش راحته وأنه پينزف جواها بتقعد وټعيط بصوت وحرقه وهى بتفتكر شكله فى الفرح وخيالاتها اللى بتترسم قدامها وتخيلها ليه مع مراته الجديده اللى بتعتقد انه مجرد خيال متعرفش انها پتنزف من الواقع! مجرد تخيلها أنه مع واحده تانيه بېقتلها تستعيذ بالله من افكارها وتقوم تتوضى وتصلى جايز الصلاه هى علاجها الفعلى من ساعت ۏفاة باباها 

فى القصر سفره كبيره بيرأسها كبير عيله الشافعي الجد هارون وحواليه احفاده وولاده الاتنين
هارون بوقار وهو بيبص لحفيده نشرت كل صور الفرح والفيديوهات فى كل الصحف والمجلات
نديم وهو بيسيب المعلقه ايوه يا جدى وفى التلفزيون كمان 
نديم ..شاب وسيم يبقى اخو ادهم الوسطانى عنده ٣٣ سنه طباعه مختلفة عن ادهم تماما مرح وبيحب الحياه خاطب بنت عمه الصغيره وبيحبها وهو المدير التانى لشركة الشافعى بعد ادهم.. 
هارون ينقل عينه لابنه الدور الاخير فى القصر فاضل قد ايه ويخلص 
قاسم ابو ادهم خلال الاسبوع دا هيكون خلص 
هارون يحرك راسه براحه تمام الدور دا هيكون مخصص لناهد وبنتها وهيستقلوا بيه وهيكون ليهم سلم خارجى للجنينه عشان لو حبوا يخرجوا ميحسوش انهم معانا فى القصر 
بيبص لنديم .. عاوزك تشوف لي خادمه وطباخه ليهم مخصوص فوق مش عاوز ينقصهم حاجه 
جويريه بحزن طب وليه يا جدو ما تعيش معانا تانى انا حبيتها اوى وهى طيبه وهاديه اوى ليه العزلة دى
جويريه الحفيدة الوحيده للعيله بعد نيران .. عندها ٢٢ سنه .. تبقى خطيبه نديم وبنت فاروق الابن الوسطانى للعيله .. بتبادل نديم نفس الحب وطيبه ورقيقه جدا ..
هارون عشان ادهم حاليا متجوز ومش عاوزين حاجه تقف في وش سعادته ومراته متعرفش بلاش نخرب عليه 
امجد بضيق من جده والبنت ذنبها ايه! مش كفايه اللى كنتو بتعملوه فى عمى لا كمان لما ماټ بتذلوا بنته 
امجد يبقى الابن التالت لقاسم .. عنده ٣٠ سنه خريج هندسه وليه شغله الخاص بعيدا عن العيله متجوز وعنده بنت عندها سنه بيكره تفكير عيلته الراجعى من وجه نظره وبيكره اضطهادهم لعمه الله يرحمه ومراته وحتى بعد ما ماټ مرحموش بنته .. بيحب مراته جدا ونوعا ما بيسمع كلامها بدون تفكير 
قاسم پحده وصوت عالى امجد اتكلم كويس مع جدك 
فاروق ابو جويرية بس