طنط عزة
بخاف من العتمة والدنيا حواليا كحل خالص قمت وانا بقدم خطوة بأخر خطوة عايز أخبط على عمتي قبل ما تنام عشان استأذنها أفتح النور
خبطت خبطتين سمعتها من جوة بتقولي
عارفه انت عايز ايه لأ مش موافقة مش هفتح أنوار الكهربا بتجيلي غالية أتخمد نام ومتخبطش تاني عايزين ننام
رجعت على الكنبة وانا ضامم رجلي على صدري وبترعش من البرد ومش قادر أغمض عيني كل اللي بفكر فيه اني لو غمضت الۏحش اللي طنط عزة كانت بتخوفني بيه يطلعلي ياكلني
سيبك منهم يا عمار مش انا قولتلك اني معاك وحواليك وسمعاك
بدأت أشوف كويس لان في ضوء ظهر حواليا وبدأ الخۏف يروح مني لما سمعت صوت ماما الحنين قولتلها وانا حزين
انا عايز أبقى جنبك يا ماما شوفتيهم شوفتيهم وهما بيزعقولي وبيضربوني انا مش بحبهم يا ماما وانا زعلان من بابا اوي قولتله ياخد حقي وهو مرضيش انتي بس اللي پتخافي عليا
كل واحد فينا وليه ميعاده يا عمار انت لسه صغير انا عايزاك تعيش حياتك على قد ما تقدر ومتخافش ربنا معاك وأنا حواليك يا حبيبي ودلوقتي نام وانت مطمن انا هفضل معاك لحد ماتروح في النوم
كان نفسي أفضل اتكلم مع ماما وقت طويل بس لما هي قالتلي أخر جملة انا حسيت اني عايز انام ولما نمت ومددت جسمي على الكنبة وغمضت عيني سمعتها بتقولي
كان أحلى
يوم في عمري لاني حسيت بإيد امي وحسيت كأني متغطي بعشر بطاطين وانا نايم ضحكت في بالي وقولت لنفسي أنا متغطي أكتر منك يا فهد وماما جنبي طول الليل كمان
عدى كام ساعة وصحبت مڤزوع على صوت عمتي وهي بتقولي
قوم ياض انت قوم بسرعة معروف جاي جوزي رجع من السفر وفي طريقه للبيت لو شافك هتبقى مشكلة قوم انت لسه هتنحلي
بعد ساعة بالظبط ىن جرس الباب كانت المرة الاولى اللي اشوف فيها عم معروف جوز عمتي شكله يخوف طويل وعريض وشنبه كبير ومكشر كدا طول الوقت
لما شاف عياله ولما شافني قال لعمتي بصوت عالي
قالتله وهي بتترعش
ده ده عمار ابن فايز اخويا
أتعصب أكتر وقالها بصوت عالي لدرجة ان الجيران اتلموا
نعم يا
