عيالي اتبرو مني _ كاملة _ بقلم هويدا زغلول

انت في الصفحة 11 من 20 صفحات

السابق التالي

سماح:نعم يا ختي حبيبتي يا ماما انتي عبيطه يابت

حنان:ازاي تخليها تمشي

سماح:انتي ناسيه امك دي عملت فينا اي

حنان:ايوه نسيت برضه دي أمي

سماح:انا بقي عمري ما هنسي أن خليتني اتجوز وأنا عيله عندي 15سنه بواحد اكبر مني ب10سنين

حنان:احمد بيحبك

سماح:انا لا مش بحبه

حنان: حرام عليكي كفايه أن لحد دلوقتي
مبعرفش ان امه باعت لينا الشقه الصغيره وهو لحد دلوقتي ميعرفش فاكر ان احنا كنا شارين الشقه من أمه

سماح:وطي صوتك انتي فضيحه

حنان:مټخافيش احمد مش هنا نزل

#فلاش باك
ام احمد صاحبه البيت بعد ما كوثر اتحبست

سماح:حضرتك عايزني

ام احمد:تعالي يا حبيبتي

سماح:انا عارفه أن لازم نمشي من البيت هنا بس ممكن تسيبي ليا وقت بس اشوف مكان تاني

ام احمد:يا حبيبتي هو انا معنديش اصل لا طبعا انتي هتفضلي هنا قدام عيني انتي واختك

سماح:انا مش عارفه واشكرك ازاي

ام احمد:ده عقد الإيجار بتاع الشقه بتاعتكم انا بعت الشقه ل ولدتك

سماح:نعم حضرتك بتقولي اي

ام احمد:حبيبتي انا مليش الا ابن واحد ومسافر وانا مش عايزه من الدنيا الا الستر بس ومن ستر مؤمن في الدنيا ستره الله في الاخره خدي يا حبيبتي وربنا يحميكي انتي واختك

سماح:معلش هو حد من الجيران عرف أن ماما محپوسه

ام احمد:لا يا حبيبتي مټخافيش انا الوحيده اللي اعرف

سماح:بجد مش عارفه اقولك اي

ام احمد:خدي بالك من اختك يا حبيبتي وبعد اسبوع راحت ام احمد ونزل احمد علشان يعزي

سماح:احنا كنا شارين الشقه الصغيره دي من مامتك وعايزه أبيعها

احمد:انا والله معرفش حاجه لسه عن البيت طيب انتي عايزه تمشي ليه

سماح:احنا كنا قاعدين هنا علشان مامتك وهي الله يرحمها راحت هنعقد ليه

احمد:انتي عايشه انتي واختك بس

سماح:بابا وماما راحو الله يرحمهم

احمد:انا اسف والله مكنتش اعرف

سماح:لا ولا يهمك

احمد:طيب انتي عايزه كام في الشقه