رواية زوجي كريم وصاحبتي الانتيم كاملة (جميع فصول الرواية) بقلم عادل عبدالله
يوم قبل جوازها بقيت بتيجي عند ندي كتير .
تقريبا بقيت بتروح لندي اغلب الايام وكانت بتقعد تحكي معاها واغلب كلامهم عن كريم .
وكانت ندي بتحكي معاها وتقريبا اغلب كلامهم عن كريم وحبها ليه وحبه ليها والسعادة اللي عايشاها ندي معاه.
نرمين اتصاحبت علي شيماء اخت كريم وبقوا اصحاب اوي وبقيت احيانا بتقعد مع ندي وشيماء في شقة ندي واحيانا في شقة شيماء.
كريم بئه يرجع من الشغل اغلب الايام يلاقي نرمين موجودة مع ندي .
في البداية كان كريم بيرحب بيها وهو سعيد مع الوقت بئه بيتضايق من تكرار وجودها كتير .بس محبش يقول لندي علشان كان عارف علاقتها بنرمين قوية ا ووي.
كانت نرمين كل ما تسمع كلام ندي عن كريم يزداد اعجابها بيه .
حاولت نرمين ان تقاوم اعجابها بكريم ولكن مقدرتش.
نرمين لما لقيت كريم مش حاسس بيها خالص وكل حبه واهتمامه لزوجته ندي
ندي استغربت ان نرمين بقيت بتتكلم عن الكورة كتير .
بقيت بتروح عندهم وهي عاملة ميك اب كامل .وبقيت نرمين تعرف من ندي بطريقة غير مباشرة الحاجات اللي بيحبها كريم وتعملها لما تكون موجودة عندهم .البرفان اللي بيحبه والوان اللبس اللي بيحبها كريم .
في نهاية صراع نرمين مع نفسها مابين حبها لندي واعجابها الشديد بكريم استسلمت في النهاية لاعجابها بكريم .
بعد مرور كام شهر علي جواز ندي
بدأت نرمين تحاول توقع بين ندي وكريم بس طريقة مش ملحوظة .
ندي يعني ايه
نرمين يعني مش كل حاجة توافقيه عليها .لازم يكون ليكي رأي في كل حاجة ولازم ياخد رايك في كل حاجة.
ندي ليه ما انا وهو واحد .
نرمين يا بنتي انتي غلبانه وملكيش تجارب .الراجل بيحب البنت اللي ليها شخصية .مش البنت السلبية اللي ملهاش شخصية .
نرمين انتي حرة يا ندوشة بس انا عاوزة سعادتك وكنت بحاول اديكي النصيحة اللي تنفعك ومادام انتي عاوزه كده براحتك بس متبقيش ترجعي ټعيطي وتقولي محدش نصحني وفهمني.
ندي بقيت بتفكر في كلام نرمين وبقيت خاېفه من ان يكون كلامها صحيح وترجع ټندم.
في اليوم ده رجع كريم كالعادة ولقي نرمين في كامل اناقتها وجمالها .وندي كانت قاعدة سرحانه .
كريم مالك يا ندوشه !!!!!!!!
ندي ابدا مفيش حاجة.
كريم شايفك سرحانه ومش بتبتسمي زي كل يوم.
ندي ابدا عندي صداع.
كريم الف سلامة عليكي يا حبيبتي.
نرمين مقاطعة بابتسامة احم احم .اسيبكم انا وامشي .
بعد ما تنزل نرمين يقرب كريم من ندي ويحضنها ويقولها يلا قومي البسي عشان نخرج .
ندي هنروح فين وبعدين هو انت اخدت رايي نخرج ولا لاء
كريم مالك يا ندي انتي اول مرة تتكلمي معايا كده
ندي مفيش حاجة بس انت لازم تعرف ان انا بني ادم وليا راي
كريم مندهش طيب هو انا منعتك تقولي رايك
ندي لا انت قبل ما تقرر حاجة تاخد رايي الاول .
كريم يا حبيبتي ما انا اصلا باخد رايك وعموما ماشي هبقي اخد رايك علطول . تحبي نخرج ولا لاء
ندي لا بلاش انا تعبانه.
تاني يوم لما جت نرمين عند ندي .
ندي مرضيتش تقولها علي اللي حصل امبارح .
ندي كانت مشغولة في المطبخ ونرمين واقفة معاها وبعدين سألتها
