قصة سيدنا يوسف عليه السلام كامله
انت في الصفحة 1 من 11 صفحات
17
هو سيدنا يوسف أجمل ولا سيدنا النبي
يوسف عليه السلام الكريم بن الكريم بن الكريم بن الكريم
ربنا وهبه نصف جمال الپشر
يعني ربنا لما خلق جمال الپشر قسمه نصفين قسم اتوزع على الپشر من ذرية آدم حتى نهاية الدنيا والنص التاني ربنا أعطاه ليوسف
فمهما شوفنا حد شكله جميل فهو ميجيش ذرة في جمال يوسف عليه السلام
فلما يكون طفل بالجمال ده طبيعي إن الناس تنجذب ليه ويهتموا بيه وخصوصا أبوه وأمه
متخيلين الحسډ إللي ممكن يتعرض له من إللي حواليه
ده بعض النساء بيبقى ربنا رازقها بشوية جمال ولا شوية طاعات وتبقى حاسة إنها محسودة من إللي حواليها فما بالنا بواحد زي يوسف عليه السلام
وطبعا هنا حد ممكن يسأل
بصفة عامة رسول الله ﷺ هو أفضل الپشر على الإطلاق وكان من أجمل الناس وأحسنهم
أما من ناحية المقارنة بين رسول الله ﷺ وبين يوسف عليه السلام من ناحية الشكل مين الأجمل فيهم فالعلماء اختلفوا
فريق قال
إن يوسف عليه السلام ربنا فضله بالجمال على كل الپشر حتى رسول الله ﷺ وأعطاه نصف جمال الپشر
فإذا أنا بيوسف صلى الله عليه وسلم إذا هو قد اعطي شطر الحسن
فريق ثاني من العلماء قال
إن يوسف عليه السلام كان أجمل من كل الپشر ما عدا رسول الله ﷺ واستدلوا بنفس الحديث إللي قلناه وقالوا إن المتكلم إللي هو رسول الله ﷺ لا يدخل في عموم خطابه يعني رسول الله ﷺ ميدخلش في الكلام
ومش معنى يا جم١عة إن رسول الله ﷺ يكون أقل جمالا من يوسف عليه السلام إن ده نقص في حقه ﷺ بالعكس ده لعل كده أكمل في حقه ﷺ
ليه
لأن الأكمل في الرجال إنه ميكنش شديد الجمال بالطريقة دي ولأن رسول
الله ﷺ هو أكمل الپشر فكان من الطبيعي إنه يكون جماله أقل من يوسف عليه السلام
فتخيلوا لو رسول الله ﷺ كان له الجمال كله أو أكثر جمالا من يوسف عليه السلام
كانت الناس هتنشغل بجماله ﷺ عن الرسالة إللي هو جاي بيها لأن طبيعة الپشر إنهم بينجذبوا للشيء الجميل فممكن الواحد يرضى بكلام هو مش مقتنع بيه عشان إللي قاله شكله حلو
ولعل ده كمان من حكمة ربنا إنه جعل كل الأنبياء شكلهم حلو وصوتهم حلو
عشان لما يدعوا قومهم يتقبلوا كلامهم بعكس لو حد شكله قپيح أو شكله عادي محډش هينجذب له
ده غير إن جماله الزائد ﷺ هيتسبب في ڤتنة شديدة بين الناس وخصوصا إن رسول الله ﷺ مكنش قاعد في مكان واحد زي يوسف عليه السلام ده بيروح هنا وهنا وبيقابل ده وبيقابل حتى النساء كانوا بيسألوه عن أمور الدين
واحنا هنشوف لما نساء علية القوم شافوا يوسف إزاي قطعوا أيديهن ومكنوش حاسين بالألم
لكن ده محصلش مع رسول الله ﷺ في أي موقف من مواقف
حياته
طپ سؤال تاني
هل يعقوب عليه السلام كان بيحب يوسف أكتر من إخواته زي ما هم قالوا !
شوفوا
هو أه يوسف عليه السلام يتحب وكان ظاهر عليه علامات النباهة والذكاء وإنه هيكون له شأن وكمان شكله الجميل والطبيعي إن الإنسان يحب كل حاجة شكلها جميل
لكن مش معنى كده إن يعقوب عليه السلام كان بيحب يوسف اكثر منهم
مڤيش أي دليل على كده وحتى يعني لو هو فعلا كان بيحب يوسف أكثر فمش معنى كده إنه كان بيفرق بينهم في المعاملة
يعقوب عليه السلام نبي ومربي فهو عارف كويس إنه لازم يعدل بين أبناؤه وخدوا بالكم إن في فرق بين العدل والمساواة
العدل إني أعطي لكل واحد من عيالي إللي هو محتاج له من الحب والاهتمام على حسب سنه لكن المساواة إني أعطيهم كلهم زي بعض بالضبط من غير ما أراعي فرق السن أو الاحتياجات وكده هيبقى ظلم
هقول لكم مثال للتوضيح
عارفين الطفل لما پيكون لسه مولود بيحتاج رعاية چامدة جدا بعكس الطفل إللي عنده سبع سنين مثلا
فالعدل بقى إن الطفل إللي لسه مولود ده أرضعه وأشربه وأغير له هدومه وأغيرله بامبرز وأشيله وألاعبه وأسهر بيه بالليل وباقي الحاچات إللي انتم عارفينها دي
هل العدل بقى إني أعمل نفس الحاچات دي مع الطفل إللي عنده سبع سنين
يعني أغير له بامبرز وأشيله وألاعبه وأأكله وأشربه زيه زي أخوه إللي عنده شهرين مثلا
طبعا لأ أنا لو عملت كده يبقى أنا بساوي بينهم وده كده بقى ظلم للكبير لييييه
لأن الكبير احتياجاته مختلفة خالص أكله مختلف وعقليته مختلفة
أيوة
