بفتح باب شقتى
ياريت توافقي
سوزي
اممممم اوك مجدي بيه انا هفضي نفسي بس هيكون عشا مش غدا بقا
مجدي
اللي يعجبك انتي غدا عشا اي حاجه المهم نكون مع بعض عايز اتكلم معاكي كتير جدا بصراحة
سوزي
خلاص تمام النهارده بالليل هاجي لحضرتك المكان اللي تحدده
وفعلا اتفقت انا وسوزي اننا نتقابل وانا بلبس بالليل في اوضتي لقيت رحاب بتقولي
ايه الشياكة دي كلها يا مجدي ايه على فين كده عندك شغل ولا ايه
مجدي
ااا يعني حاجة زي كده يارحاب عندي ميعاد شغل مع ناس
رحاب
ناس مين دول يامجدي
مجدي
ناس يارحاب يعني سعد شريكي الجديد وناس أصحابنا بقا وكده انتي هتحققي معايا يارحاب ولا ايه هو انا عيل صغير قدامك وسعي بقا خليني اعدي عشان متاخرش
مجدي
ايه القمر ده كله انا بحسد نفسي عليكي معقوله انا قاعد مع القمر ده كله
سوزي
احم على فكرة انا بتكسف يامجدي بيه ههههه
مجدي
بتتكسفي ايه بس ياسوزي هو في قمر كده بيتكسف برضو المهم انا عايز اسالك على حاجة بس متفهمنيش غلط انا بس هسال سؤال مش اكتر
طبعا اتفضل اسال براحتك خير
مجدي
قوليلي بصراحة كده هو في حاجة بينك وبين سعد يعني اقصد في إعجاب منه او حاجة عايز اعرف
سوزي
امممم وحضرتك بتسأل سؤال زي ده ليه باي حق تسالني
مجدي
انا اااا مقصدش حاجة انا بس بسأل اصلي بصراحة كده ياسوزي انا معجب بيكي جدا واول لما شوفتك ډخلتي قلبي وشغلتي عقلي وفكري عشان كده انا لما بشوفك مع سعد يعني بحس اني بغير اوي
اولا انا مفيش حاجة بيني وبين سعد بيه غير الشغل وبس وبعدين سعد بيه جد في شغلة ومش بتاع إعجاب وتسبيل والكلام ده وكمان انا عمري ماهسمح اني اشتغل مع واحد يسبلي وكده ثانيا بقا يامجدي انا عايزة افهم يعني انا شاغله عقلك وتفكيرك دي انا مش بفكر في حاجة غير شغلي وبس على فكرة
مجدي
طيب انتي زعلتي من كلامي ليه بس انا قولت لك انا مقصدش حاجة انا بس بفكر فيكي انك تبقى معايا علطول في بيتي يعني
في بيتك ازاى بقا
مجدي
يعني نتجوز ياسوزي ايه رايك فيا تتجوزيني
سوزي
اه بس انت متجوز مراتك هتعمل فيها ايه يا مجدي بيه
مجدي
مراتي هتفضل زي ماهي انما انتي هتبقي مراتي التانية وحبيبتي وكل حاجة ليا وعمري ما هقصر معاكي انتي بس اسمعي كلامي والله ومش هتندمي
سوزي
خلاص افكر اصل حكاية زوجة تانية دي مخوفاني ومحتاجة تفكير ممكن تديني فرصة افكر
خلاص هديكي مهله اسبوع تكوني فكرتي ورديتي عليا وياريت يكون بالقبول متعرفيش هتسعديني ازاى ياسوزي لو وافقتي بيا
سوزي
هاشوف يامجدي بيه وان شاء الله خير
مجدي
مابلاش بقا مجدي بيه دى ياسوزي خليها مجدي بس بلاش بيه
سوزي
حاضر يامجدي بس انا كان عندي شرط انا عايزة المدام تعرف انك هتتجوزني انا مش بحب اعمل حاجة في الضلمة عشان متجيش تقولي نتجوز عرفي انا مليش في العرفي
مجدي
حاضر ياسوزي بس ااا انتى عارفه ان حاجة زي دي ممكن تخليها تطلب الطلاق وانا مش هينفع اطلقها عشان الاولاد بس انا هحاول
سوزي
ده شرطي يامجدي عايزني يبقا في النور ومراتك تبقا عارفه اننا هنتجوز
ورجعت البيت وكانت رحاب قاعده
واول لما شافتني قالت
رحاب
حمد الله على السلامة يا مجدي ايه اللي اخرك كده احنا بقينا نص الليل كنت فين
مجدي
كنت في هو انا مش قايل لك يا رحاب اني رايح ميعاد شغل ومقابلة شغل انتي بتسالي ليه بقا
رحاب
اصلك اتاخرت وكده فقلقت عليك هو انت مخبي عني حاجة يامجدي انا حاسة
