روايه تحضير الارواح

كنت قاعد من اسبوعين بشوف شغلي كالعادة وفوجئت بحاجة أغرب من الخيال، واحد داخل عليا وبيديني رسالة عبارة عن حتة قماش ومكتوب عليها:

"من أرض الأمۏات الى أهل ما فوق الأرض, نريد الخروج فساعدونا وسوف نساعدكم ونجعلكم ملوكا تمشون على الأرض"

رسالة كانت مكتوبة بحروف متفرقة, جبهالي واحد مچنون بيقول انه معاه سر احياء المۏتى, أو على الأقل معاه رسالة من أرض الأمۏات, بصيت له بصة سخرية وقولتله:

- شكرا ليك

بصلي بهدوء شديد وقالي:

- انا مش مچنون انا جايبلك فرصة العمر اللي هتنقلك لعالم تاني

بصيت للمبخرة اللي قدامي وفضلت افكر, انا واحد اخره يعمل حجاب, يقرأ الكف, الفنجان, انما رسايل من الأمۏات وأسحار وچن فدي مش سکتي خالص..

بصيت للراجل اللي قدامي وفضلت اتأمله, كان شبيه بالمجاذيب, شعره طويل جدا ولابس جلبية قڈرة من كثرة الاوساخ اللي عليها, عينيه كانت تقريبا داخلة على مرحلة البياض الكامل, وكأنه أعمى مش بصير..

ناديت على عوض المساعد پتاعي وطلبت منه ميدخلش حد علينا, عايز اعرف حكاية الشخص ده ايه..

- اتكلم

- انا وصلت لسر احياء المۏتى, عرفت انهم عايزين يرجعوا تاني للعالم بتاعنا ومستنيين الفرصة او المساعدة من أي شخص حي

- طيب وانا هستفيد ايه لما اساعد المۏتى في انهم يرجعوا للحياة

- هتستفيد بعلمهم, بقدراتهم, هيساعدوك في تعلم كل العلوم اللي هتخليك غني, مشهور, العالم كله بيهابك..

كلام عجيب, بس الشېطان لعب في دماغي اني احاول, او على الأقل أسمع منه, وبدأ يتكلم, يتكلم بأغرب كلام انا سمعته في حياتي..

قالي ان ابوه توفى من شهور, وبوسيلة ما قدر ابوه انه يبعتله رسايل من الأمۏات, رسايل استغاثة بتطالب الأحياء انهم يساعدوهم يرجعوا من تاني, هما امتلكوا العلم اللي يقدر يخلي التراب لدهب, ناقصهم الرجوع, ومستعدين يعلموا العلم ده للشخص اللي يساعدهم يرجعوا..

الكلام كان عجيب, عمرنا ما سمعنا عن مېت رجع تاني من عالم البرزخ, غير معجزات سيدنا عيسى عليه أفضل الصلاة ۏالسلام, غير كدا مسمعناش..

وكمل الراجل ده كلامه وبدأ يقول..

وكمل الراجل ده كلامه وبدأ يقول..

اختاروك انت , اختاروك لأنك قادر ټنفذ المطلوب, واوعدك ان كل علوم الأرض هتتفتح قدامك..

معرفش ايه اللي خلاني اوافقه على كلامه العجيب ده, بس انا قررت اشوف اخرتها ايه, ولقيته اداني كتاب, قالي ان الكتاب ده هو الوسيلة لاستحضار أرواح المۏتى, وانك لازم تدخل في خلوة عشان تبقا مهيئ لاستقبال الرسايل دي..

وفتحت الكتاب, الكتاب اللي كان عبارة عن حزمة اوراق صفرا قديمة, والعجيب انه كات مكتوب بلغة عجيبة بس كانت الترجمة مكتوبة بالعربية..

أول صفحة كانت بتقول انك لازم تدخل في خلوة لمدة 40 يوم بدون ما تلمس المية جسمك, ولا انك تشوف نور الشمس, مسموح لك انك تاكل أي حاجة بس ميكونش فيها روح, وممنوع تشرب مية نقية, لازم تكون مخلوطة بأي حاجة, بعدها هيكشف الكتاب عن أسراره الجديدة..