اخويا الظالم
متطلعش بره
عفاف
والنبي انا ورده بنتي عمرها تشوف حاجة تقولها ولا تحكيها لحد دي بنتي متربية وانا عارفاها كويس
حسنية
مشاء الله ياعفاف احنا عارفين ان بنتك متربية وبنت حلال عشان كده احنا اخترناها وبعتنا ام اسماعيل عشان تقولكم اننا جايين
عماد
يبقا خلاص كده بقا ياجماعة نقرا الفاتحة
وقروا فاتحتي وسعد بصلي وقالي
مبروك ياعروسة انا بستاذنك ياعم صابر اخد ورده بكرة وننزل نشتري الدهب سوا وامي معانا
ومالو ياسعد يابني روحو
ومشيو الناس من عندنا وعم صابر قالي
صابر
اسمعي يابت ياورده انا عايزك تنقي دهب تقيل وسعره غالي انا عايزك تطمعي يابت انتي فاهمة ولا لا
ورده
وانا اطمع ليه ياعم صابر انا عمري ماكنت طماعه وبعدين الناس زي مانت شايف اهم جايين وشارين وكانو موافقين على كل اللي انت طلبته
صابر
انتي يابت بتتكلمي معايا كده ليه الحق عليه اني عايز مصلحتك ماتشوفي بنتك ياعفااف وتعقليها
حاضر ياخويا هعقلها جرا يابت انتي ماتسمعي كلام عمك صابر
ورده
حاضر ياما هسمع كلامه وهنفذ اللي بيقولي عليه في حاجة تانية سبيني بقا عشان عايزة اريح شويه
وتاني يوم لقيت سعد جاي وروحنا نشتري الدهب بصراحة كان كريم معايا وجبلي شبكة حلوه اوي واداني فلوس كمان واحنا خارجين قولتله
ورده
بقولك ايه يا سعد انا كنت عايزه أسألك سوال كده
اسألي ياورده عايزه تسالي في ايه
ورده
هي بديعه اللي انت كنت متجوزها طلقتها ليه أصلها طلعت من بيتكم قالت كلام غريب
اوي واكيد انت عارف هي قالت ايه
سعد
طبعا انا عارف هي قالت ايه بس أصلها بت قليلة الأصل ومش محترمة وقالت عني كده لاني ظبطها پتخوني عشان طلعت واتكلمت عليا مع اني سترتها بس هاتقولي ايه بقا
ايه معقوله الكلام ده ياسعد بقا هي الحكايه كده انا اسفه ياسعد اني كنت ظالماك
سعد
ولا يهمك ياورده المهم انك عرفتي الحقيقه وده اللي يهمني وبس عشان انتي غاليه عندي ويلا عشان ارجعك البيت
ورجعت البيت وصابر قالي
ايه الاخبار يابت ها اداكي فلوس كام
ورده
خود الفلوس اهيه مش عايزة حاجة امتى بقا يجي ميعاد الفرح واخلص من البيت ده
مستعجله اوي ياختي مانتي كده كده هتغوري وتروحي بيت المحروس كتك القرف
ورده
عجبك كده ياما اللي بيعمله ده
عفاف
معلش ياورده استحملي ياحبيبتي كلها شهر وتتجوزي وتمشي من هنا
وفعلا عدت الايام وجه يوم الفرح ورحنا البيت عند سعد دخلت الشقه وكانت تحفه اوي وقابلت اخواته البنات ابتسام وزينب
ابتسام
مبروك يامرات اخويا نورتي بيتنا
الله يبارك فيكي يا ابله ابتسام
ابتسام
ابلة ايه ياحلوة هو انتي شايفاني عجوزة
ورده
خلاص متزعليش حقك عليا خلاص هاقولك يا ابتسام
زينب
معلش ياورده اصل ابتسام بتحب تهزر متاخدش على كلامها
ورده
لا طبعا مش زعلانة ده انتو زي اخواتي والله غاليين عليا هو سعد مطلعش ليه لحد دلوقتي
زينب
ااه زمانه طالع ياحبيبتي انتي قلقانة من ايه انتي هنا في بيتك
وطلعت حماتي وقالت
يلا جهزوها لحد مايطلع سعد عشان يعمل الډخله
ورده
يجهزوني يعنى
