الطريق المسکون
إني خطبتها وتخيلت إني إزاي هامشي على الطريق دا ....أنا بټرعب من خيالي
وإلى زود البله طين مطين إن سواق التوكتوك بدأ يتكلم مع أبويا عن إن طريق القريه دا مسكون بالعفاريت وبدأ يحكيله عن حاجات كتير حصلت عليه
علشان يزيد ړعبي والتخيلات قدامي
المهم وصلنا البيت كانت قريه صغيره جدا عدد بيوتها يتعد على الأصابع تتوسط ترع المياه والأشجار
فضلت على الحاله دي لحد مادخلت العروسه إلى أول ماشفتها بدأ التوتر يروح شويه
خصوصا إني لقيت صاروخ أرض جو داخل علينا حاجه كدا ولا في الخيال كانت جميله جداا
لما دخلت القريه كنت بتمني تطلع وحشه علشان مارجعش تاني لكن خابت ظنوني وطلعت حلوه اووي
خلصنا المقابله بس كنا اتأخرنا والليل دخل علينا ورجعنا بتوكتك واحنا ماشيين على الطريق بليل بقيت مړعوپ
روحنا وزي عادات وتقاليد الخطوبه رحنا مره تانيه كانت عجبتني جدا لكن كنت خاېف من موضوع القريه بتاعتهم وطريقها داا
لكن قلت أنا كدا كدا هاروح بتوكتك وارجع بتوكتك وعمري ما هتاخر لبليل مهما حصل لو كان في نصيب
الموضوع تم وخطبتها وكنت بنفذ إلى قررته لما كنت بروح كنت بقعد ساعة زمن وامشي ماكنتش بروح بإستمرار وكنت بتحجج بأي حجه الأمر إلى كان بيثير اهتمامهم جميعا
حصل حالة ۏفاة عندهم وكانوا عملين صوان كبير للعزاء وجايبين شيخ كبير
كنت متردد أروح لأننا هانتاخر ونرجع بليل لكن أبويا ارغمني إني لازم أروح معاه
وفي النهايه وبعد تحايل كتير من أمي وابويا
وافقت
ورحنا ودخلنا الصوان قعدنا كنا بعد العشاء في الليل وكانت الأجواء رائعه كان الشيخ متمكن وجميل جدا الأمر إلى خلاني أستمتع واركز معاه جدا خصوصا إني مستمع كويس
وينتهي العزاء
بصيت على أبويا إلي قالي من فتره إنه هايقوم يعمل حاجه
مالقتوش دورت عليه في كل مكان بردو مالقيتوش
سألت عليه أهل خطيبتي
قال أبوها... أبوك يابني فيه واحد اخده ومشي معاه وقالي أبقا أعرفك علشان ترجع لوحدك
قلت..ايييه ازااااي ماقليش يعني وظهر على وجهي الڠضب
قلت في سري وأنا هاعمل إيه دلوقتي دا أنا مستحيل أرجع لوحدي لو الدنيا اتهدت قلت في بالي هبات هنا الليله وخلاص
علشان حمايه يصدمني ويقول...معلش بقا يابني إحنا أهل وأكيد هاتتقبل البيت عندنا مليان والله مافيش مكان خالص كنت قلتلك تبات معانا
قلت في بالي...ياليله سوده مافيش مكان
اتظاهرت إني مش متأثر ولا خاېف لأن أهل خطيبتي تقريبا كلهم كانوا واقفين
