امى والبامبرز
حبيبتي ان شاء الله ترجعي بسلامه والعملية تنجح كمان
نسمه
يارب بجد انا متوترة
الدكتور
لا يا مدام مينفعش تبقي متوترة اهدي خالص دي عملية فيه كذا ست عملتها خرجت من هنا زي الاسد وخلفوا كمان بدل العيل عشره
ابراهيم ونسمه
الله يطمنك يا دكتور
وبعد شوية نسمه كانت دخلت العمليات وابراهيم قاعد بره وبيدعي ليها
الام
تعالي نقوم نعمل الغدا ياختي ونفرحهم
عايدة
بس انا خاېفة امد ايدي علي حاجات نسمه
ام ابراهيم
دي بنتك يا عايدة تعملي الي انتي عايزاه قومي بس يلا بينا
وفعلا ان ابراهيم دخلو وعملو انواع من الحلويات والاكل وعدي حوالي تلات ساعات وبعدها الدكتور طلع
خير يا دكتور
الدكتور
الحمد لله العملية كانت صعبة ااه بس نجحت الحمد لله ونسبة انها تخلف عالية جدا ياعني كانها انسانه طبيعية عادي وهتخلف والحمل مش هيأثر عليها
ابراهيم
بجد يا دكتور متشكر جدا طب هي هتفوق امتي
الدكتور
هتفوق بعد ساعه وهننقلها اوضة عادية بس عشان تفوق من البنج
تمام يا دكتور تعيش والله فاقت نسمه من البنج
نسمه بصداع
اااه انا حاسة بصداع
ابراهيم
حمدالله على سلامتك
نسمه بتعب
الله يسلمك.. الدكتور قالك اي
ابراهيم بابتسامة
متقلقيش الدكتور طمني من ناحيتك خالص وقالي ان نسبة انك تخلفي عالية وان فيه امل كبير تخلفي وبقيتي زي اي انسانه طبيعية
بجد يا ابراهيم بجد
ابراهيم
ايوا طبعا بجد الحمد لله ربنا مضيعش تعبنا
نسمه
الحمد لله يارب
وعدي وقت علي نسمه وقدرت تمشي علي رجليها وبعد وقت وصلوا البيت
دخل ابراهيم وسمع صوت امه وعايدة وهما في المطبخ
نسمة
اي ده يا ترى ا بيعملو اي مع بعض
نسمه راحت المطبخ واتفجأت بانهم قاعدين بيرصو الحاجات
اي ده كل ده اكل
ام ابراهيم
ايوا يابنتي بمناسبة رجوعك من العملية دي عايدة قامت بنص الاكل وعملتو لوحدها اصلا
نسمه
طب انا هخش اغير هدومي واجي اجهز لكم الاكل
ام ابراهيم
لا خشي غيري هدومك واحنا هنحط الاكل خلاص دخل ابراهيم وباس ايد امه وباس ايدي
ابراهيم
تسلم ايدكو الحلوين الي عملت كل ده
عايدة بابتسامة
واهو اتعمل بدل الصنف تلت اربع اصناف ده غير ااحلويات المهم طمني علي نسمه الدكتور قالك اي
ابراهيم بفرحة
الحمد لله الدكتور قالي نسبة الخلفة ليها عالية وانها انسانه طبيعية هتخلف عادي والحمل هيبقي سهل زي اي ست
عايدة
طب الحمد لله ربنا يرزقكم يابني ب الذرية الصالحه ويديكم الصحة وطولة العمر
ابراهيم بابتسامة
ويباركلنا فيكي وفي امي يارب يلا هخش اغير وطلع ناكل كلنا مع بعض
ابراهيم دخل الاوضة وشاف نسمه
ابراهيم
بما ان العملية نجحت ي نسمه وانك ف اي وقت هتخلفي يبقي لازم تاخدي بالك من امك وتراعيها وتعامليها كويس عشان عيالك بعملو. معاكي كده كما تدين تدان ياعني الي عملتيه وهتعمليه ف امك هيتردلك انتي ف الكبر بتاعك
نسمه
انا هبقي كويسه معاها ي ابراهيم انا معملتش حاجة اصلا
ابراهيم
لا عملتي بس انا اتمني انك تلحقي نفسك وتلحقي تعيشي
