قصه زوجي وجارتي كامله

انت في الصفحة 4 من 8 صفحات

انما تتكلم وتعمل فيها ست زي باقي الستات تاخد بالجزمه علي دماغها..
_ قال كلامه ودخل عندي الاوضه وقفل الباب بالمفتاح وما طلعش غير صوتي وانا بصوت من ضربه ليا وحماتي بره بتخبط علي الباب وبتقوله..
سعاد
حرام عليك يا طارق والله لو ما فتحت لازعل منك عمري كله حرام عليك البنت هتروح فيها يا طاااارق...

_وتاني يوم كان وشي وكنت واقفه في المطبخ بجهز الفطار وطلعت حطيت اخر طبق علي السفره وحماتي قالت..
سعاد
اقعدي با حبيبتي عشان تفطري وحقك عليا انا في اللي حصل امبارح..
طارق
لو سمحتي يا ماما خلاص رحمه عرفت غلطها ومش هتكرره تاني مش كده يا رحمه..
رحمه بدموع
ايوه يا ماما انا خلاص عرفت غلطي..

طارق
قوليلي يا رحمه انتي بتاخدي مانع للحمل..
رحمه
لا والله مش باخد الحاجات دي..
سعاد
انت ليه بتسألها سؤال زي ده دلوقتي..
طارق پحده
عشان بقالي سنه اهو متجوز وما شوفتش منها حاجه لو في مشكله معاكي يا رحمه قولي نحلها..
رحمه پخوف
والله ما اعرف دي حاجه بتاعت ربنا..
سعاد

دي حاجه فعلا بتاعت ربنا يا ابني ولو انت مستعجل خدها معاك وروحو لدكتور واعرفو ايه سبب التأخير..
طارق
دكتوره انا مراتي ما تروحش لرجاله وادعي ربك يا رحمه ما يكونش عندك مشكله..
رحمه
يعني هو انا بأيدي يا طارق وبعدين لو كانت في مشكله هتعمل ايه..
طارق
انا طيب والله ومش هطلقك وقتها بس هتجوز اللي تجيبلي عيال..

سعاد
لا حول ولا قوة الا بالله ان شاء االه ما تكونش في مشكله ولا حاجه افطري يا رحمه يا حبيبتي وما تحطيش في بالك حاجه..
_وبالليل روحنا انا وهو عند الدكتوره اللي كشفت عليا وبعدين قعدنا انا وطارق قدامها وهي قالت..
الدكتوره
انتي ما فيش عندك اي مشكله بس كل الحكايه موضوع وقت انا هكتبلك علي برشام وو..

طارق قاطعها وقال
طيب لو عايزينها تحمل بسرعه نعمل ايه احنا مش لسه هنمشي علي ادويه..
الدكتوره
يبقي كده ما فيش قدامك غير عملية الحقن وده مكلف شويه..
طارق
مش مهم انا عايز نعمل العمليه دي المهم السنه الجايه ابقي شايل ابني علي ايدي..
الدكتوره
تمام هكتبلكم علي معاد تيجو فيه تعملو تحاليل عشان نبدأ
في الاجراءات..

_ ورجعنا البيت انا وطارق وغيرت هدومي وطلعت من الحمام وقولتله..
رحمه
بقولك ايه يا طارق ما بلاش موضوع العمليه ده وخلينا نمشي علي العلاج الاول..
طارق پحده
لا انا قرىت خلاص وبعدين من امتي باخد قرار وانتي بتعارضيني فيه يا رحمه..
رحمه
انا مش بعارضك انا بس بتناقش معاك مش اكتر..
طارق
لا وفري اي كلام لنفسك لاني واخد قرار ومش هغيره يا رحمه ويلا تعالي عشان ننام..
_ وعدت سنه كمان بعد ما عملت العمليه وقبل ما اولد كنت تعباانه اووي في الحمل وفي يوم كنت نايمه ورجع طارق بالليل وقالي..
طارق
انتي يا بت رحمه نايمه ليه بدري ده الساعه 12 لسه..
رحمه بتعب
تعباانه اووي يا طارق معلش لو محتاج حاجه