العمياء
لك عشان تقولي كده الكل هنا بيحبك والكل بيخدمك فخلاص بقا
_
خلاص يا احمد اللي تشوفه
_
انا داخل اكمل بقيت الترويق عشان تدخلي ترتاحي في الاوضة
ودخل احمد وفريدة قالت له
بقولك ايه اوعي تسمع كلامها وتخليها تعمل عمليه لحسن المره دي تفتح ياحبيبي وتعرف كل حاجة خلينا كده مستعمينها
_
طيب بقولك ايه انزلي انتي تحت دلوقتي وبكرة الصبح تعالي عشان هي مش تحس بحاجة
انا عايزة ابات معاك هنا يا احمد هننام في الاوضة التانية وهي تفضل لوحدها
_
لا طبعا مش هينفع انا مش هعرف اسيبها تنام لوحدها هاقولها ايه انا مش هلاقي حجة اني انام في الاوضة التانية يلا بقا يافريدة عشان مش تحس بينا
وطلعت فريدة براحة على شقتها وفضلت هي واحمد يتقابلو في الشقه وفي يوم فريدة قالت لأحمد
_
انتي بتقولي ايه حامل يعني ايه وانت معملتيش حسابك ليه يافريدة طيب وامي هنعمل معاها ايه وزهرة
_
انا مليش دعوة بالكلام ده انا دلوقتي حامل وانت لازم تعترف بجوازنا يا احمد عشان كده مش هينفع
_
طيب خلاص سيبها بس دلوقتي الموضوع ده وبعدين نبقا نشوف حل وهنعمل ايه فيه
وعدت شهور وكل يوم فريدة واحمد وانا مش حاسه بحاجة وفي يوم فريدة قالت لحماتي
_
بتقولي ايه يافريدة انتي وأحمد اتجوزتم وكمان حامل منه كل ده وانا معرفش
_
ماهو بصراحة احمد كان خاېف يقولك لحسن انتي ترفضي واتجوزني في السر بس لما حملت قولت لازم اعرفك واقولك عشان خاطر ماتقوليش الحمل ده منين ولا حاجة
_
طيب وانتو خبيتو عليا ليه يافريدة ده انا حتى كان نفسي اجوزك ليه لوما اللي ماتتسمي مراته دي هي اللي واقفه زي اللقمة في الزور
يعني انتي مش زعلانة ياحماتي مني انا واحمد
_
لا طبعا مش زعلانة وبعدين كمان انتي حامل في ابنه اهو اللي ماعملتها مراتة الموكوسة دي والنبي لوما القرشين اللي امها بتجيبهم لابني انا كنت خليته طلقها من زمان يلا اهو النصيب
ولما رجع احمد دخل عند وامه وقالت له
بقا كده يا احمد تتجوز فريدة وتخليها حامل وتخبي عليا
ما انا كنت ناوي اقولك يا أمي بس قولت نستنى شوية خۏفت لتزعلي مننا
_
لا ياحبيبي ربنا يكمل لفريدة على خير واشيل ولادكم يارب
_
بس انا اترفد من شغلي
_ انت بتقول ايه ازاى يابني الكلام طيب وبعدين
_
الحل بقا زهرة متعرفش حاجة عن جوازنا ده خالص عشان نفضل عايشين من الفلوس اللي بتجيلها كل شهر
وبعدها بكام ماما جات عندي وقالت
_
اصل ياماما انا كلمت أحمد وهو مش موافق وخاېف عليا
_
ليه هو غرمان ايه يعني يازهرة اسمعي لما اقول لك انتي ممكن تعملي العمليه من ماهو يعرف حاجة ولما ربنا يكرمك وتفتحي ساعتها تعرفيه
_
تصدقي فكرة ياماما انا هعمل كده من غير ماعرف حد خالص
ولقينا فريدة داخله علينا وماما قالت لها
ازيك يافريده عامله ايه يا حبيبتي انا مش عارفه اشكرك ازاى علي اللي بتعمليه مع زهرة بنتي دي بتحبك وبتشكر فيكي اوي
_
شكرا على ايه بس دي زهرة دي اختي وغاليه عليا اوي
_
بس انتي ياحبيبتي بطنك مالها كده انتي تعبانة ولا ايه شكلك تعبانة وبطنك منفوخة كده
_
ده اااه ياطنط اصل بعيد عنك بطني تعباني اوي اليومين دول وعندي انتفاخ جامد يلا الحمد لله انا انا هدخل اشطب المطبخ لزهرة
وسبتنا ودخلت المطبخ وماما قالت
غريبة اوي يمكن انتفاخ فعلا
وبعدها قولت لاحمد اني هاروح اقعد عند ماما شويه ووافق اني اروح وعملت العمليه وقولت لماما
انا مش عايزة حد يعرف ياماما عشان اعملها مفاجأه لأحمد وليهم في البيت هناك
وبعد شهر رجعت البيت وانا عامله نفسي لسه عامية ولقيت فريدة عندي في شقتي ومعاها بيبي صغير طبعا عملت نفسي مش شايفه أحمد قالي
حمد الله على السلامة يا حبيبتي البيت كان مضلم من غيرك
_
ميرسي ياحبيبي انا كمان البيت وحشني اوي هو في حد معانا في الشقه يا احمد
_
حد حد مين بس ياحبيبتي لا ابدا مفيش غيري انا وانتي وبس انتي وحشاني بشكل تعالي لما اسندك لحد الاوضه
