نيران ادهم
هتطلع تلاقى اللى شالها فجأه وكتم بقها .. كانت لسه هتصوت تلاقيه نديم
نديم بهمس شششش
ياخدها نديم ويخرج بيها ويركبها العربيه وهو كل دا كاتم بقها
عند امجد مجرد ما نسمه دخلت يقفل الباب ويبصلها وقال بزعيق انا عاوز افهم دلوقتى كل مااجى اتكلم تمنعينى ليه عماله تهين فيكى وتسمك بالكلام وانتى تقعدى تشدى وتسكتى فيا ليه
امجد بعصبيه بتضيعى حقك ليه ! انتى مالك بالمشاكل تستحملى بناءا على ايه
نسمه امجد اهدى العصبيه مش هتحل حاجه
امجد بنفس العصبيه والصوت العالى من بكره هشوف شقه بره نعيش فيها لوحدنا .. جايز لما يقعدوا لوحدهم يحسوا ببشاعه تفكيرهم .. والموضوع دا منتهى ومش عاوز نقاش فيه .. سامعه
يسيبهم ويقف فى البلكونه بغيظ جايز الهوا يهدى من عصبيته شويه
عند نديم خد جويريه بالعربيه وماشى بيها
جويريه بضيق حد يعمل اللى انت بتعمله دا!
نديم الحق عليا عاوز افرفشك من جو البيت الكئيب دا
نديم يضحك خاطڤك ! .. يابت انتى مراتى .. دا هما اللى خاطفينك منى
جويريه لا يا حبيبى لسه مش مراتك وروحنى بقى يلا
نديم بخبث لا يا ايه
جويريه دى كنايه عن الردح .. مش بجد
نديم ببرائه مصطنعه يعنى انا مش حبيبك بجد !
جويريه تضحك مش موضوعنا .. روحنى يلا
نديم يشغل الراديو باغنيه عمرو دياب ضحكت يعنى قلبها مال .. وهى تضحك اكتر .. يمسك ايدها ويبوسها وبعدين يطلع تذاكر من جيبه
جويريه تضحك مش هتعقل ابدا ..
تبصله بحب.. مرسيى يا حبيبى كنت محتاجه اغير جو فعلا
تسند على كتفه وهو ياخدها السينما ويخرجها
عند ادهم بيتمرن فى اوضه الجيم .. وبيفكر فى اللى جاى .. هو قام بخطوه كبيره لكن للاسف مفكرش فى حلول للخساير دى كلها .. وهو سرحان ايده تتلوى فى الجهاز بتاع الضهر اللى بيلعب عليه .. يشيل ايده ويدلكها وهو حاسس فيها بۏجع خفيف .. حاول يكمل تمرين بس مش قادر الۏجع بدأ يشد على ايده .. اخد شاور فى الحمام اللى فى اوضه الجيم ولبس بنطلون البدله والقميص وقفل كام زرار فيه بس وساب الباقى مفتوح .. خرج من الاوضه وقفلها وراه ولسه هيطلع القصر لمحها .. واقفه فى البلكونه بتاعتها وشعرها طاير حواليها ولابسه فستان ابيض .. بتلقائيه ابتسم اول ما شافها حس بفخر جواه انها ملكه .. بس للاسف على الرغم من انها ملكه الى انها ابعد شخص عنه .. اتحرك وهيروح القصر بس مش قادر يتحرك او يشيل عينه من عليها .. حس برغبه شديده جواه انه محتاجها حاليا وعاوز يكون معاها .. وللحظه عقله فكره بجملتها ..
يبتسم بهدوء وغير اتجاهه لناحيه السلم بتاعها .. نيران تدخل من البلكونه .. وتبص لمريم
نيران بابتسامه الهوا هنا جميل اوى .. حاسه كأنى متعلقه فى السما
مريم تضحك دا عشان واجهه بلكونتك بس .. تعالى كده ناحيه بلكونه ماما ناهد ولا شباك اوضتى هتحسى بكتمه كده
مريم لا بس انتى بلكونتك واوضتك معمولين بطريقه سبشيل .. كنت مستغربه الاول بس دلوقتى عرفت ليه
نيران يعنى ايه سبشيل بس الاول !
مريم بطريقه خاصه .. اوضتك مميزه عن اوض القصر كله
نيران امممممم .. مع انها مش عجبانى خالص للاسف
مريم ليه .. دا ذوقها روعه
نيران مش عارفه .. مش حاباها وخلاص
مريم تفتكر حاجه وتتفزع وتقوم تجرى وتقول بصوت عالى الكيكه يلهوى
تجرى على المطبخ ونيران تضحك وتروح وراها
