نيران ادهم
ما مبسوط
عند نيران تسمع خبط على الباب .. تفتح عينيها ببطء وتبص حواليها .. تلاقى نفسها فى الحمام وقاعده فى البانيو والميه من كتر ما قعدت فيها بقت ساقعه .. تقوم من البانيو باستغراب انها قدرت تنام .. خرجت تفتح الباب تلاقيها مريم
مريم .. ناهد هانم بتقولك مش هتتعشى
نيران بصوت نايم .. لا قوليلها هتنام
نيران .. بلاش هانم والجو دا .. اسمى نيران وقولي لماما .. يا ماما ناهد عادي
مريم باحراج .. ميصحش ......
تقاطعها نيران .. لا يصح احنا كلنا زى بعض بالعكس جايز انتى كمان ظروفك متسهله عنى شويه فارفعي الألقاب ومتقلقيش احنا اه من العيله دى لكن مبنحملش اى طباع منهم احنا عيله بالاسم بس
نيران تبتسم لها وتقفل الباب وراها وترجع تنام
يعدى الوقت .. ادهم يبص لبوسى مش كفايه كده .. انا عندي شغل بكره
بوسى خلينا شويه كمان
ادهم يبتسم هنبقى ننزل تانى .. بس بجد يلا تعبت
بوسى برقه ننزل بكره
أدهم لو رجعت بدرى هنزلك
ادهم انا كلمتى لوحدها وعد
بوسى تبتسم وتتحرك ناحية السلم وهو ينط منه ويطلع على طول من غير ما يروح للسلم .. يطلعوا اوضتهم ويناموا
تانى يوم .. تقوم نيران من النوم وتاخد شاور وبعدها تروح شغلها ومن بعده الكورس .. عند نديم .. يعدى على اوضه جويريه ويخبط .. تفتحله وبعدها كانت هتقفل تانى يحط ايده ويمنع الباب
جويريه پغضب واضح نعم .. خير .. عاوز ايه سيادتك !
نديم يغمز لها عاوزك
جويريه ملكش دعوة بيا و متتكلمش معايا خالص .. وبعدين عاوز ايه من واحده زنانه زيي يعنى .. ومش مدياك مساحتك الشخصية !! .. ايه اللى يجبرك تكلمنى او تعوزنى اصلا
نديم يضحك امممم انتى مفعله مود النكد .. طب اجيلك وقت تانى بقى شكلك مجنونه دلوقتى
نديم يضحك تانى وبيحاول يستفزها ليه بس كده يا جوجو .. تقدرى على بعدى
جويريه اه اقدر واتفضل يلا متتكلمش معايا
نديم اوك همشى دلوقتى .. كده كده كلها شهرين ومش هتقدرى على بعدى فعلا
جويريه بعدم فهم نعم !
يقرب عليها ويهمس جنب ودنها
نديم مبروك يا عروسه .. كلها شهرين وهتتنقلى من الاوضه دى وهتروحى على اوضه اكبر واحلى
نديم اخلع انا بقى عشان ورايا شغل
جويريه بتحاول تستوعب استنى هنا .. انت اتفقت مع مين على الكلام دا!!
نديم انا والعم فاروق قعدنا سوا بليل زى ما اتفقنا وهو قالى ان السكوت علامة الرضا وانتى بتموتى فيا ومش هتقدرى على بعدي ولو سيبتك ممكن تنتحرى فخلاص هتنازل واتجوزك عشان الاڼتحار حرام برضو وانتى بنت عمى ومرضهاش ليكى
جويريه بضيق نعم ياخويا !!! هى مين دى اللى هتنتحر .. انا مش موافقه على الجوازه دى وهفسخ الخطوبه دى اصلا
نديم بابتسامه وانا كمان مبسوط اوى ياروحى .. يلا هخلص شغل واجى اخدك ونتعشى بره ونحتفل بجوازنا يا ملاكي بحبك
جويريه بعصبيه انا بقول مش موافقه انت هتجنني ان......
يقاطعها نديم وبصلها بابتسامه باى ياروحى عشان اتأخرت
يسيبها وينزل وهى على الرغم من ضيقتها منه .. ابتسمت أول ما نزل تدخل الاوضه وهى طايره من الفرحه انها اخيرا هتتجوزه ونسيت الخلاف اللي كان بينهم واى زعل بمجرد كلمتين منه تنام على السرير وهى بتبتسم
تعدى الايام من غير اى جديد .. نيران انتبهت لشغلها وبدأت دراستها اللى اتسهلت كتير بوجود مريم التى بتساعدها فى المذاكره .. وادهم حياته بين الشغل وبوسى اللى بيحس معاها بسعادة نوعا ما لكن مش هى كل السعاده اللى محتاجها .. فى يوم نيران راجعه من الشغل تعبانه وراحت الكورس .. الۏجع عمال يزيد عليها ومبقتش شايفه قدامها
مدحت نيران انتى كويسه
