نيران ادهم
وهو كان عاوز يروح وراها بس نفسه قافله منها ومضايق من زنها .. يقعد مكانه ويتصل بالسواق .. انسه جويريه هتلاقيها نازله دلوقتى اطمن انها روحت البيت وبعدها هات العربيه تانى للشركة وروح
يقفل مع السواق ويكمل شغله
فى شقه ناهد .. قاعده مكانها بقلق وكل شوية بتبص للساعة والخۏف متملك منها حاسه بقلق حقيقي على بنتها وللاسف مفيش معاها تلفون تتطمن بيه عليها كل ساعه بتعدى كأنها سنه نيران بقالها سبع ساعات عندهم وهى قاعده تسمع صوت نيران وصوت راجل على السلم .. للحظة تتخض وتقوم بسرعه تفتح الباب تلاقى ادهم طالع وماسك نيران من ايدها وبيشدها جامد
ادهم يدخل ويرزع الباب وراه ويرمى نيران على امها اللى خدتها فى حضنها بسرعه قبل ما تقع
ادهم بصوت جهورى .. انا مش عاوز ۏجع دماغ ومش عاوز لعب عيال انا مش ناقص قرف بنتك لو اتصرفت تانى من دماغها هتشوف منى وش عمرها ما شافته فى حياتها خليها تتقى شرى
يسيبهم ويدوب هينزل يفتكر حاجه ويقف على الباب .. وحضرتك هتشرفينا فى القصر والدور اللى جدى عمله انا هديكى وقت لبكره تيجي لوحدك لو مجتيش انا هعرف ازاى اجيبك مامتك عايزه تيجى معاكى او تقعد هنا دى حاجه ترجعلها ..
لسه هينزل على السلم وقف على كلمتها اللي قالتها نيران بكل قوتها .. انا مش هرجع البيت ومش هعيش فى مكان انت فيه ولو بيتك آخر بيت ممكن اروحه فى الدنيا فانا مش هعتبه انا بقرف منك وبكرهك فاهم يعنى ايه انا مستحيل ارجع السچن دا تانى
ياخد نفس طويل ويبصلها نظره هي فهمتها كويس وبيقول بهدوء يسبق العاصفه .. بكره هتكونى فى القصر وهترجعى برضاكى او ڠصب عنك
يسيبهم وينزل وهى واقفه وكل قواها پتنهار .. حست بايد أمها التي بتضمها وبتعيط بس هى فى عالم تانى بتبص على المكان اللى كان واقف فيه وبتفتكر كلامه .. تاخد نفس عميق وتنزل ايد مامتها من حواليها وتبصلها .. انا مش راجعه ومهما حصل مش هرجع حتى لو فيها مۏتي انا مش ههين نفسى تانى مع العيله دى ومش هعيش وسطهم
نيران .. لا هقف وطول ما الموضوع يخص حريتى هقف هو ولا عايزنى ولا اهمه اصلا هو عاوز يرضي غروره ويكسر عينى تانى بيتلذذ بضعفى وكسرتى واهانتى مش عاوز يسيبنى فى حالى ومش عاوزنى معاه هو عاوز يعلقنى وبس هو معتبرنى حاجه من املاكه عايز يحطها ديكور فى القصر وانا عمرى ما هسمحله يعمل كده تانى
نيران متضايقه من كلام مامتها لانه فعلا اللى هيحصل .. هو مش هيسكت لها ومش هيسيبها فى حالها تبص لمامتها ولتوسلاتها وكل خططها اللى شبه بتتهد من تانى تتأفف بضيق .. تمام .. جهزى شنطك وانا هجهز حاجتي .. بكرة هنروح ونسكن عندهم ونعيد اللى حصل تانى ونتقى شرهم .. تمام كده
ناهد .. انا عارفه انك
