جوز اختى
مستغرب ازاى الحيوان اللي اسمة حسام ده يعمل فيكي كده ده معندوش نظر والله
فريدة
خلاص بقا يامروان مش عايزة اسمع سيرتة تاني اهو راح لحاله وانا نسيتة ومسحته من حياتي
مروان
كان لازم يفهم ان واحدة في جمالك ورقتك لا يمكن تتخان مينفعش اصلا تتخاني يافريدة
استغربت اوي من كلامة وفي الوقت خرجت سالي من المطبخ وقالت
فريدة
تسلم ايدك ياسو انا عارفه اني المفروض اساعدك في المطبخ بس انتي شايفة يادوب لسه راجعة من الشغل
سالي
ولا يهمك ياقلبي وبعدين اصلا انتي عارفاني بحب المطبخ والطبيخ اد ايه يعنى ياستي انا مش عايزاكي تعملي حاجة اصلا
وتاني يوم رحت الشغل وخالي مجاش اتصلت بيه مردش عليا لما قلقت عليه روحت الفيلا عنده وقولت
أمينة
كويس انك جيتي يافريدة يابنتي
فريدة
في ايه يا داده مالك انتي زعلانة من ايه هو خالو جراله حاجة
أمينة
خالك تعبان اوي وفوق في اوضتة مش عايز يتكلم مع حد من ساعت الدكتور جه وقاله ان القلب تعبان ولازم يروح المستشفى رفض طبعا الدكتور مشي وهو حابس نفسه في الاوضة بتاعته
يعني ايه رفض يروح المستشفى انا هطلع اشوفه
وطلعت خبط عليه ودخلت وقالي
فريدة ادخلي ياحبيبتي كويس انك جيتي
فريدة
الف سلامه عليك يا حبيبي ايه اللي حصل ما انت إمبارح كنت كويس
نبيل
كنت كويس بس مش عارفه قلبي تعب يلا الحمد لله على كل حال
فريدة
انت لازم تروح المستشفى زي الدكتور ماقال انا هتصل بيه واخليه يبعت الإسعاف ونوديك
لا لا انا هبقا كويس وبعدين هو انا هاخد زمني وزمن غيري انا كده تمام اوي اصل بيني وبينك مها وحشتني اوي يافريدة وعايز اشوفها
فريدة بټعيط
لا والنبي ياخالو بلاش الكلام ده ربنا يطولي في عمرك يارب
نبيل
سيبك بس من الكلام ده دلوقتي واسمعيني كويس انا كتبتلك الشركة باسمك والفيلا دي والعربيتين كمان ومبلغ في البنك وسالي اختك سبتلها مبلغ كبير في البنك بس عشان انتي شيلتي معايا الشركة فانتي أولى بالحاجات دي كلها
بالله عليك ياخالو بلاش الكلام ده انا مش عايزة حاجة غير انك تفضل معانا وسطينا انت وجودك معانا بالدنيا كلها
نبيل
ربنا يسعدك يافريدة ياحبيبتي انا حاسس اني خلاص مبقاش فاضلي كتير في الدنيا عشان كده بقولك تبقى تتصلي بالمحامي بتاعي وهو هيعرفك كل حاجة
فريدة
انا هتصل بالدكتور واخليه يوديك المستشفى
سالي
انتي هتفضلي حزينة وقافله على نفسك كده يافريدة اخرجي ياحبيبتي من الحزن ده بقا وشوفي حياتك الحزن مش هيرجع اللي راحو
فريدة
انتي عارفة ان خالو اللي باقي لنا من بعد بابا وماما ماراح هو كمان سبنا ياسالي
سالي
ده قدر ونصيب ياحبيبتي هنقول ايه بس على العموم المحامي اتصل بينا عشان نحضر الوصية انتي عارفة خالو مكنش ليه حد في الدنيا غيرنا واكيد كل العز اللي كان عنده ده هيبقا ليا انا وانتي
فريده
انتي بتدوري على ورث ياسالي وخالو اللي راح ده ميهمكيش في حاجة
سالي
ازاى بقا يافريدة طيب ده انا زعلانة على خالو زيك بالظبط بس خلاص الحي ابقي من اللي راح
وروحنا للمحامي انا وسالي ومروان والمحامي قال
بسم الله الرحمن الرحيم دلوقتي ياجماعة هنفتح الوصية اللي سابها الاستاذ نبيل الله يرحمة
وقال كل اللي في الوصية وسالي قالت
ايه ده ازاى خالي يسيبلك كل حاجة ويسبلي انا شوية فلوس يعنى انتي تاخدي الفيلا والشركة والعربيات وانا اخد
شوية فلوس وبس ده
