جوزى وسلفى
لده كله ياكرم
كرم
انتي لسه هتردي عليا طب تعالي بقا انا هفرجك تردي عليا ازاي
ونزل فيا ضړب ضړب لحد ماكسر عضمي فضلت اعيط لحد النهار مطلع اخدت بعضي ونزلت عند حماتي عشان اشتغلها في الشقه بتاعتها ودخلت عندها وانا بجر جسمي من الۏجع وقالتلي
ايه يابت انتي نازله دلوقتي لسه فاكره ده الضهر هيادن ياختي
نعمه
إحسان
هيهيهي يعيش ويضربك ويكسر عضمك ياحبيبتي تلاقيكي عملتي حاجة عصبتيه وخليته يضرب مانتو كده مابتجوش غير بالضړب
نعمة
والله ماعملت حاجة ده كل ده عشان الاكل طلع ناقصه ملح قام عليا ضړبني أعمل إيه يعنى
إحسان
ابقي بعد كده تاخدي بالك وتظبطي اكلك ياختي بدل ما هيفضل يضرب فيكي يلا يابت اتنيلي وادخلي نضفي الشقه دي وادخلي على المطبخ يلا انجري
وعند صباح اللي راح عندها كرم يسهر معاها قالتلة
قولي ياخويا اخبار العروسه ايه
كرم
واكله علقھ
صباح
هيهي هي لحقت تاكل العلقھ بس احسن تستاهل عشان خدتك مني ياكرم
كرم
بقولك ايه يا صباح انا اقعد معاكي شويه واروق دماغي ومش ناقصك ولا ناقص قرفك انتي كمان هتقعدي ساكتة هشرب الحجرين واخد بعضي وامشي هتفضلي تتكلمي كتير همشي دلوقتي
لا لا خلاص ياسيد الرجالة والله مانت ماشي
خليك قاعد معايا شوية ده انا مبصدق اشوفك ياكرم ده انا بستنى الساعه اللي بتجيلي فيها
كرم
خلاص يبقا تسكتي
صباح
شكرم
تاني هتتكلمي في الموضوع ده ياصباح مفيش فايدة فيكي يعنى
صباح
خلاص يا حبيبي خلاص
وفضل كرم سهران عند صباح ورجع على الفجر وانا كنت صاحيه مش طايقة جسمي من الۏجع دخل كرم وقالي
نعمة
قاعده مستنياك انت ايه اللي اخرك كل ده وكنت فين اصلا
كرم
كنت مع جماعة اصحابي وبعدين انتي مالك بتسالي ليه
نعمة
الله مش انت جوزي ياكرم وكنت قلقانة عليك هو في ايه بلاش اسالك
كرم
ااه بلاش تسالي كنت فين وجاي منين واياكي تقوليها تاني يانعمة انتي سامعه ولا لا
خلاص مش هسال اعمل اللي تعمله بس انا كنت عايزة اعرفك اني هرجع الشغل كمان يومين كده
كرم
ترجعي ايه ياختي ترجعي الشغل شغل ايه ليه هو انتي متجوزة سوسن
نعمة
ما انت متجوزني وانت عارف اني بشتغل وبعدين فيها ايه لما ارجع الشغل ايه اللي هيحصل مش فاهمة يعنى
كرم
اااه ده هيحصل كتير انتي عايزة الناس تتكلم عليا وتقول الاسطي كرم منزل مراتة تشتغل في المصنع عشان مش عارف يصرف عليها
والناس هاتقول ليه كده ياكرم مافي رجاله كتير سايبين مراتاتهم تشتغل عادي مش فيها حاجة
كرم
لا فيها انا بقا غير الرجاله انا مش حارمك من حاجة وانتي مش ناقصك حاجة يبقا تقفلي على الموضوع ده خالص
نعمة
بس انا عايزة اشتغل ياكرم حرام عليك انا مش واخدة على اقعدة البيت كده وبعدين امك مشغلاني عندها ولا الخدامة
كرم
مانتي فعلا ولا الخدامة
نعمه بصوت عالي
انا مش خدامة حرام عليك بقا
كرم
انتي بتعلي صوتك عليا تاني وحيات امك منا سايبك
ونزل فيا ضړب ضړب تاني وجسمي كله بقا ازرق من كتر الضړب وطول الليل اعيط واصوت من الۏجع
وتاني يوم منزلتش لحماتي لقيتها طالعة تقولي
هي السنيورة منزلتش ليه ناموسيتك كحلي ياختي
وكان وشي مورم من كتر الضړب وبجر في رجلي وقولت
ابنك ضړبني تاني والله حرام اللي بيحصلي ده هو بيعاملني كاني عبده عنده ليه ابنك ده مفتري والله
احسان
بتقولي مفتري بقا انا ابني مفتري يعني هو الحق عليه يابت انه اتجوزك ولمك بعد ما بقيتي ارملة للراجل
اللي اتجوزتية ونحستيه وراح بعد الجواز
