رواية بقلم داليا الكومى

فتحت عينيها ببطء شديد ... كانت تشعر بالظمأ ...لمحت نفس الممرضه التى رافقتها لغرفة العمليات.. تجلس علي كرسي بجوار فراشها...
ميه ...عطشانه... هبه هتفت بضعف
الممرضه نهضت فورا... اقتربت منها وقالت ... حمدالله علي سلامتك لسه شويه علي الشرب... لازم الدكتور يشوفك الاول قبل ما اقدر اسمح ليكى بالشرب
الممرضه اخذت علاماتها الحيويه وخرجت تبلغ الطبيب باستيقاظها

الم يكن الحلم اجمل يا هبه ها قد عدتى لوحدتك الاليمه ولالم بطنك الحقيقة المرة ملئت عيناها بالدموع... وحيده في المستشفي يا هبه حتى يوم عمليتك ..ربما ستنتهى حياتها هنا كما انتهت حياة سلطان ...لكن الالم القوى في بطنها مع كل حركه او كل نفس انبئها انها تجاوزت ازمة المړض وعادت لوحدتها المريره....
ما حدث بعد ذلك كان شىء لا يمكن ان تتوقع حدوثه ابدا...الممرضة التي ذهبت لابلاغ الطبيب انها استيقظت عادت بسرعه وقالت لها باهتمام ..
عندك زائر بيطلب يدخلك..
هبه كادت ان تقفز من سريرها ... 
زائر ...زائر مين......عقلها اشتغل بسرعة الصاروخ ..مين ممكن يجينى.. انا معرفش أي حد
الممرضة .... ادهم بيه البسطاويسي
من يوم مقابلتهم الكارثية في مكتب عزت حمدى المحامى وهى لم تره اطلاقا كل تعاملاتهم المالية كانت من خلال عزت المحامى وكل طلباتها كانت تصل اليه من خلال الماس..
بالتأكيد عندما علم عن مرضها اتى لرؤيتها كواجب ثقيل مفروض عليه....لاول مرة منذ استيقاظها تنتبه لشكل غرفتها ...الغرفة لم تكن غرفة عادية .... بل كانت جناح فخم جدا ..جناح استثنائي...
الممرضة اكملت بحشريه ... ادهم بيه مهتم بيكى جدا وطلب منى انى افضل جنبك من ساعة ما خرجتى من الافاقه .....كلمة السر ادهم البسطاويسي واموال ادهم البسطاويسى ونفوذ ادهم البسطاويسى..
هبه فكرت في سرها
حاولت الجلوس لكن الم بطنها العڼيف منعها ...تأوهت بصوت عالي
الممرضة اتجهت اليها فورا... استنى انتى عاوزه ادهم بيه يفصلنى..
علي الرغم من المها الشديد..هبه سألتها بدهشة ... ادهم 
ايوه ادهم بيه صاحب المستشفي ..او بمعنى ادق سلسلة مستشفيات.... المستشفي دى واحده من سلسلة مستشفياته الكتيره ... ثم سألتها بفضول واضح ... هو انتى متعرفيش ....اصلك اندهشتى اوى لما قلتلك
لا طبعا معرفش وهعرف ازاي ... ده حتى معرفش اساسا ان مستشفي كبيره كده ممكن تكون ملك لشخص واحد... هبه فكرت
الممرضه ساعدتها علي تعديل وضعها بحرص ووضعت لها وسائد خلف ظهرها مكنتها من الجلوس ثم مشطت لها شعرها بفرشاه ...هبه لاحظت نظرات الاعجاب التى ظهرت علي ملامح الممرضة وهى تمشط لها شعرها ...
شعرك رائع... اسمحيلي اسألك شكله طبيعى مش مصبوغ مش كده..
اه طبيعى عمري ما صبغت... نظرات الاعجاب الان اختلطت بنظرات الحسد .. يا بختك...خلاص جاهزه ابلغ ادهم بية ...
وبدون انتظار ردها خرجت الي الصالون الملحق بالغرفة لابلاغه بأنها مستعده ...
ادركت الان سبب الاستقبال الحافل والمعاملة المميزة التى تتلقاها منذ وصولها فهى من طرف الرجل الكبير...ضحكت مع نفسها بسخريه
الممرضه فتحت الباب مرة اخري
وقالت ... اتفضل يا فندم
قلب هبه هوى في ارجلها وامسكت بطنها بقوه بكلتا يديها
ادهم دخل الي غرفتها ببطء وهو يراقبها بتمعن ...
اضخم واطول مما كانت تتزكر...بدلته السوداء المصممة خصيصا له زادت من جو السلطة والقوة حوله...الشيء المختلف كليا عن اخر مرة رأته فيها كانت نظرة عيونه علي الرغم من ان يومها لم تجلس معه سوي دقائق معدوده انتهت سريعا لكنها كانت تتزكر نظرتة الحيوية الجريئة اما اليوم فكانت نظراته مرهقة حزينة...
دخوله الرسمى المتحفظ للغرفة اراحها كثيرا ...حياها بأدب وقال بطريقة رسمية.... حمدالله علي سلامتك يارب تكونى بقيتى احسن
هبه ردت بضعف.... الحمد لله
ادهم انتظربجوارالباب وكأنه يختبر رده فعلها علي رؤيته....هدوءها شجعه علي الاقتراب من سريرها وقال ....
الممرضه هتفضل معاكى لحد ما تخرجى بالسلامة من