رواية " جبروت حماتي " كاملة جميع الفصول بقلم هويدا زغلول

رواية جبروت حماتي كاملة جميع الفصول بقلم هويدا زغلول
الحما _ ادخلي يلا اعملي لينا محشي انهارده بناتي جاين وبيحبوا المحشي
اسما_ محشي اي يا حماتي بقولك ماما راحت وابنك بيقولي مافيش مرواح ارجوكي اطلعي اتكلمي معاه
الحما_ ما هو يا حبيبتي ابني بينفذ كلامي هتروحي تعملي ايه امك خلاص راحت يعني انت مرواحك ليها هيرجعها تاني

وقبل ما نبدا الحكايه اعرفكم بنفسي أنا اسما
كنت عايشه مع ماما انا واخواتي رنيم وملك
وفي يوم كنا قاعدين لقيت رنيم خارجه تقول
رنيم _ اسما الحقي ده شكلهم وهما بياخدوا العفش بتاعك خدوا التلاجه بتاعتي المكان بتاعتك ثلاجتي مش لاقيها وتلاجتك جوه
وانا قومت وقفت. قولت
اسما_ بصراحه كده بقى يا رانيم انا حماتي قالتلي مش هتدخلي بنوع التلاجه ده زيك زي سلايفك وانتي جايبه النوع
كويس فانا خدته
رنيم _وانتي استاذنتي مين بقى ان شاء الله علشان تعملي كده مش المفروض تاخذي اذني انا مش موافقه طبعا وعايزه ثلاجتي
وخرجت ماما من المطبخ وقالت
الام _ بس انتي وهي صوتكم عالي هتفرجوا الجيران علينا في ايه يا رنيم اختك خلاص خدت التلاجه لو مش عاجباك تلاجتها
هرجعلك دي واجبلك نفس النوع
اللي كان عندك
رنيم _ مش هي دي الفكره يا ماما الفكره ان ليه حماتها هي اللي اتشرتت وتقول عايزه انهي نوع هو احنا كنا اتشرطنا في العفش ولا في حاجه
اسما_ وانتي مالك انتي مش شقه ابنها وهي حره فيه ربنا وبعدها بصيت لماما وقولت يخليكي ليا يا ماما وما يحرمني منك ابدا
الام _ انا مش راضيه اعمل مشكله بس دلوقتي وبعدي الحوار بس اللي حصل ده ما كانش ينفع انه يحصل حماتك ملهاش علاقه نجيب ايه وما نجيبش ايه
اسما_ والله يا ماما حماتي طيبه جدا بس هي بتتكلم على الحاجات تعيش العمر كله مش عارفه عقلي كان في يوم جبت الحاجه دي
رنيم _ طيب ممكن تكلمي خطيبك بقى علشان ناخد المفتاح ونروح نفرش الشقه ولا هنعمل ايه
اسما_ خلاص ماشي انا هخش اكلم احمد واقوله واشوف هيقولي ايه
وبعدها دخلت ورنيم قالت
رنيم _عاجبك يا ماما اللي بيحصل ده هتاخد اذن احمد ان احنا نروح ولا لا ده فاضل على الفرح كام يوم
الام _ معلش يا رنيم عشان خاطر اختك عدي اليومين دول على خير ربنا يكملها على خير هي عايزاه ومش هتسيبه مهما حصل
رنيم _ مش عارفه على ايه دي هتتجوز حماتها مش هتتجوزوا هو
وفي الاوضه كنت قاعده وبكلم احمد وقولت
ليه
اسما_ ازيك يا احمد عامل ايه ممكن تكلم ماما وتعرفها ان احنا هنروح ناخد منها المفتاح علشان نطلع نفرش الشقه
احمد _معلش يا اسما مش هينفع النهارده تروحوا تفرشوا الشقه علشان خاطر مرات خالي جت هي واختها وقاعدين مع ماما وهي مش هينفع تسيبهم
اسما_ طيب وايه علاقه مامتك اصلا ده انا هاخد المفتاح بس دقيقه واحده واطلع على شقتي افرشها ما فيش وقت يا احمد للكلام ده
احمد _ ليه ان شاء الله هو انتي فاكره انك هتطلعي الشقه انتي ومامتك واخواتك من غير ماما تكون موجوده معاكم ولا ايه لا طبعا
لازم تكون موجوده
اسما_ طب انا هقول لاخواتي ايه دلوقتي ده كلنا كنا مستعدين علشان نروح نفرش الشقه ده انا لسه عامله مشكله معاهم علشان موضوع التلاجه
احمد _ ما تخلينيش افتح بقى في كلام يزعلك احنا مالنا اصلا باين موضوع التلاجه واحنا اللي كنا قلنالك هاتي نوع رخيص وبعدين بقي اقفلي ورايا شغل وفي الوقت ده قفلت ولقيت
ملك داخله وقولت ليها
اسما_ اه يا بطني مش قادره يا ملك بالله عليك تعمليلي حاجه دافيه اشربها حاسه ان بطني ۏجعاني شويه
ملك _ يا خبر ابيض الف سلامه عليكي يعني كده مش هتقدري تيجي معانا تفرشي شقه النهارده مش مهم هنروح نرص الدولاب بس ونرص الحاجات وانتي ابقي تعالي في الاساسيات
اسما_ ايه هو انتم ناويين تروحوا من غيري ولا ايه لا طبعا ما ينفعش اجلوها لبكره اكون بقيت كويسه
وبعدها رنيم دخلت وقالت
رنيم _هو انتي مكسوفه اني تقولي ان البيه مش عايزنا نروح النهارده تعب ايه يا ام تعب اللي بتتكلمي فيه ده انا عارفاك ده انت لو جرى ليكي ايه هتروحي عشان تخلصي الشقه
اسما_ هو انتي ليه عامله معايا كده حرام عليكي ده انا اختك برده انا اللي تعبانه هو ملوش ذنب ده زعل جدا لما عرف ان انا مش هروح افرش الشقه
رنيم _ على العموم ريحي يا حبيبتي ولو عوزتي اي حاجه انادي علينا يلا بينا يا ملك
وتاني يوم روحنا انا وماما وإخواتي ولقيت
حماتي في شقتي
اسما_ ايه ده هو انتي هنا يا ماما ده احنا عمالين نخبط عليكي تحت مش بتفتحي
الحما _اه هنا يا حبيبتي تعالوا وبعدها دخلنا ولقينا كل حاجه مرصوصه وماما قالت
الام _ ايه ده يا حاجه سنيه هو انتي فرشتي الشقه ولا ايه مش المفروض كنتي تستنيني