ربيت بنت جوزي في عشة الفراخ

ام فاروق الغالي وقبل ما نبدا حكايتنا اعرفكم بنفسي انا الدكتور سلوي عندي خمسه وأربعين سنه دكتوره نفسيه في مستشفي امړاض عقليه وعصبيه 
ديما بيقولو علي اي مريض نفسي مچنون بس نسيو يقولو او يفهمو ان اي حد دخل المستشفي دي مش مچنون ولا مريض نفسي لا دي ناس اټأذت وتعبت من مرضي نفسين كانو عايشين معاهم 
والنهارده انا هحكيلكم حكاية واحده كانت عندي طلبت مني ان حكايتها تتقال لكل الناس حكاية واحده اسمها اميره عندها تلاتين سنه تعالو بقي اقولكم حكايتها بدات ازاي 
من 20 سنه كانت اميره قاعده هي وصفاء اختها اللي اكبر منها بسنتين وبياخدو عزا مامتهم مع فايزه مرات عمهم 

فايزه 
ربنا يصبركم يا بنات مش عارفه اقولكم ايه والله 
اميره پبكاء
خلاص يا مرات عمي ماما راحت وسابتنا هنعيش ازاي بس من غيرها 
فايزه 
يا بنتي ما حدش بيروح ورا حد بكره تكبري انتي واختك وتتجوزو وتخلفو وتفتكروها بالخير 
صفاء
هو ابويا راح فين يا مرات عمي خليه والنبي ينزل يبات عندنا هنا انا واختي خايفين اووي نبات لوحدنا 
فايزه 
حاضر يا حبيبتي انا هخليه ينزل يبات هنا معاكم هطلع انا بقي اشوف عمكم 
اميره 
ماشي يا مرات عمي وابقي تعالي اقعدي معانا تاني 
فايزه 
حاضر يا قلبي خلي بالك انتي واختك من بعض وربنا يصبركم يا حبيبتي 
خلصت كلامها وطلعت شقتها فوق ولقيت صابر ابو اميره قاعد مع عبده جوزها رلحت قعدت جنبيهم وقالت 
فايزه 
لا ما لكش حق يا صابر يا اخويا ازاي بس تسيب البنات قاعدين تحت لوحدهم 
صابر اتنهد وقاال
والله يا مرات اخويا انا ما بقاش ليا نفس ادخل الشقه من بعد المرحومه والعيال صغيرين انا لا بعرف اعملهم حاجه ولا حتي هما كمان هيعرفو يشيلو البيت 
فايزه 
روح انت بس انزل اقعد مع البنات دي عيال صغيره ومش هيقدرو يقعدو لوحدهم وانا بعون الله هحلك الموضوع ده 
قام صابر وقال
ماشي يا فايزه استئذن انا بقي 
عبده 
اتفضل يا اخويا وربنا يهون عليك البلاء ده 
وبعد ما نزل صابر قالت فايزه لجوزها بعد ما قفلت الباب وقعدت جنبيه 
فايزه 
ايه رئيك يا سي عبده في البت كوثر بنت اخويا دي ادب واخلاق وغلباانه اوويايه رئيك فيها لصابر اخوك 
عبده 
هي فعلا كده بس مش موزونه وبتحب تروح عند جيرانهم وتخرج كتير مش بنت بيوت يعني ما تنفعش تربي عيال 
فايزه 
يا اخويا ما كلنا واحنا صغيرين كنا كده بس لما بنتجوز بتشيل مسؤليه والوحده مننا بتبقي ست بيت وماليه مركزها 
عبده 
والله اذا كان كده كلمي اخوكي البنت فايتها الدور في الجواز وما حدش بيتقدملها واكيد ما هيصدقو 
فايزه بضيق
جرا ايه يا اخويا ما تنقي كلامك وتقول كلام كويس دي بنت اخويا برضو وانا ما اقبلش عليها اي حاجه 
عبده بسخريه
يعني هو انا جيبت حاجه من عندي علي العموم مستكتراها علي اخويا انو اجيبله غيرها 
فايزه 
لا مستكتراها ولا حاجه ربنا يعلم ان صابر ده انا بعتبره اخويا واكتر 
عبده 
خلاص بكره تكلميهم اخويا محتاج ست تشيل بيته وبناته 
فايزه 
من عينيا انا من صباحية ربنا هروح واكلم اخويا 
وفعلا تاني يوم راحت فايزه بيت اخوها اللي كانت ظروفهم علي قدهم اووي وقعدت معاه هو ومراته وقالت 
فايزه 
بس كده يا سعيد يا اخويا وانا قولت والله الخير اللي عند صابر ده ما ينفعش يروح بره وان احق بيه البنت كوثر بنت اخويا 
ام كوثر
بس انا بنتي لسه عذبه علي انها تتجوز واحد معاه بنتين طولها 
فايزه 
طيب ما ده كويس برضو انهم بنات كل واحده منهم هتكبر وتتجوز وبنتك لو خلفتلها حتت ولد هيبقي البيت وكل حاجه ليها هي 
ام كوثر
يا فايزه بس يعني اا 
سعيد قال بسرعه
من غير بس ولا حاجه يا وليه انا موافق يا فايزه يا اختي ما دام هياخدها من غير جهاز يبقي علي بركة الله 
فرحت فايزه وقالت
طيب يكون في علمك بقي الفرح هيكون علي يوم الخميس اللي جاي وكمان مش هنعمل فرح ولا حاجه هو هيكتب الكتاب وهياخدها ويمشي 
ام كوثر پحده 
معناه ايه بقي الكلام ده يا فايزه هو انتي لو عندك بنت كنتي هترضي تتجوز بالطريقه دي ومتاخذنيش انا ما اقصدش اقولك حاجه علي قلة الخلفه اللي منك 
فايزه بضيق
والله انا لو عندي بنت ما استخسرهاش في سي صابر ده كفايه انه راجل
محترم وهيراعي ربنا فيها طيب والنبي يا سعيد وما ليك علية حلفان ده قال اننا لو وافقنا هيعاملها وكأنها بنت من بناته 
سعيد
وانا موافق ده لسه عندي اربع بنات غيرها ده هم وهينزاح يا فايزه يا اختي 
وقفت فايزه وقالت
طيب انا هروح بقي ابلغ الجماعه بالاخبار الحلوه دييلا مع السلامه 
قالت ام كوثر 
الله يسلمك يا حبيبتي استني هقوم اوصلك لحد الباب 
فايزه 
هو انا غريبه يا مرات اخويا ده بيتي خليكي مرتاحه يا ام العروسه 
قالت فايزه كلامها ومشيت ودخلت ام كوثر عند بنتها وقالت 
ام كوثر
اهو ده اللي انتي فالحه فيه تقعدي واقفه في الشباك اقفلي يا بت انتي الشباك ده وتعالي يا اختي خلاص هتتجوزي 
كوثر
بجد يا ماما هتجوز مين ان شاء الله 
ام كوثر
صابر سلف عمتك فايزه 
كوثر بضيق
انتي بتقولي ايه يا امااا مين ده اللي اتجوزو ده معاه بنتين وكان متجوز 
ام كوثر
ايوه اطلعي قولي الكلام ده لابوكي اصله يا حبيبتي وافق علي كتب كتابك 1 الخميس الجاي وكمان لا هيجيب جهاز ولا هنعمل فرح ولا اي حاجه 
كوثر
انا بجد عمري ما هسامح ابويا في اللي هو بيعمله فيا ده وانتي عارفه يا ماما اني مش هقدر اروح اقوله مش موافقه 
ام كوثر
يبقي خلاص توافقي وتتحملي نصيبك وبعدين اهو صابر ده مرتاح واكيد هيطلعك من الفقر اللي انتي عايشه فيه هنا 
سكتت كوثر ومن جواها كانت مش موافقه علي الجوازه خالص وعدي الاسبوع بسرعه وجه معاد كتب كتابها ولبست فستان ابيض هادي وطلعت بره اوضتها واول ما شافتها فايزه قالت 
فايزه
يا صلاة النبي يا صلاة النبي شايف يا سي صابر مراتك حلوه ازاي والنبي انت ربنا بيحبك 
صابر بجمود حتي من غير ما يبصلها 
علي خيرة الله يا مرات اخويا 
وميل عبده علي فايزه وقال بصوت واطي 
ما بنت اخوكي طلعت حلوه اهي اومال ليه ما اتجوزتش بس لحد دلوقتي 
فايزه ردت عليه وقالت
ده النصيب يا اخويا كمان هندخل في نصيب ربنا 
عبده 
هو الواد صابر اخويا ده ديما محظوظ شوفتي المرحومه ام البنات كانت عامله ازاي 
فايزه بضيق 
ما خلاص بقي يا اخويا هي الست اللي قاعده جنبك مش ماليه عينك ولا ايه 
عبده 
والله غلط تقولي كده طبعا ماليه عيني ونص كمان بس انا بتكلم معاكي عادي هو انا ليا بركه الا انتي 
فايزه 
طيب يلا بينا يا حج عبده مش هنبات هنا اخوك اخد العروسه ومشي من هنا 
وقامت فايزه وجوزها مشيو هما كمان وبعد شويه دخل صابر ومعاه كوثر بيته وكانت اميره وصفاء قاعدين زعلانين زعق فيهم صابر وقال 
صابر 
انتي هتفضلي قاعده كده يا بت منم ليها قومي فزي انتي وهي سلمو علي امكم الجديده كوثر 
كوثر
انت بتزعقلهم ليه يا سي صابر بس تعالي يا حبيبتي انتي وهي 
قربت منها اميره وقالت
حمد لله علي سلامتك يا طنط كوثر 
صفاء بدموع
الف مبروك يا طنط كوثر ونورتي البيت 
كوثر 
البيت منور بيكم