عاجل لكل المحافظات دى
بناقشها في مواضيعي من سنين معاكم..
لكن الي مش عادي هو استغلال السيناريوهات دي لطرح معلومات غير دقيقة وتوقعات غير مسؤولة.. لإرضاء رغبات شخصية والله اعلم بالنوايا !
أبرز السيناريوهات دي حاليا هو إنزلاق جزء من بركان إتنا في البحر المتوسط بما ان إتنا بيسجل انفجارات مستمرة الفترة دي ولكن دا لسه محصلش.. ومحدش عارف او قادر يتوقع دا هيحصل امتى
والي يقول انه عارف امتى وازاي ممكن يحصل إنزلاق لإتنا في البحر او
حدوث زلزال مدمر فا هو كداب او دجال او جاهل.. قولا واحدا
خلال السنين الي فاتت حصل زلازل قوية وصلت ل ٦ و٧ رختر وصدر تحذيرات لتسونامي وتم اخطار دول عربية بالتحذيرات فعلا لكن الامور عدت على خير عادي ومحصلش الضجة دي
ومن باب الأمانة ان اي شخص يتكلم في موضوع التسونامي طالما بيقدم نفسه لجمهوره على انه متخصص يذكر ان البحر المتوسط بيشهد اضطرابات من نهاية السنة الي فاتت لأسباب مناخية بحتة وواحده من الظواهر الملحوظة السنة دي هي ارتفاع الأمواج بطبيعة الحال .. يعني بدون فزلكة اي نشاط زلزالي او اي اضطراب يحدث في البحر المتوسط من الطبيعي انه يسبب المزيد من ارتفاع واضطراب الامواج على سواحلنا لكن مش بالضرورة يتحول الأمر لتسونامي لأن في ظروف استثنائية جدا له
