مشكلة

مشكلة
السلام عليكم
انا عاوز الكل يسمع مشكلتى ويدعيلى وينصحنى ويتعظ منى انا رجل عمرى ٣٧ سنه مغترب فى الإمارات ميسور الحال لدى من الأولاد ٣ بنات وولد والولد عمره سته شهور واكبر بناتى فى تالته ابتدائى
طلقت مراتى من ٦٤ يوم حاسبهم بالوقت والدقيقة والثانيه بعد ما رفعت عليا قواضى وكانت مصممه على الطلاق بعت توكيل لعمى وخلص إجراءات الطلاق واخدت حقوقها كامله وزياده كمان وكل شهر ببعت مصروف اولادي ١٥ ألف جنيه من يوم ما طلقتها وانا مش بنام وانا مېت وروحى طالعه منى محدش حاسس بيا حتى أهلى اللى كان مقوينى عليها وعرفونى ان ده القرار الصح بعد ما رفعت عليا قواضى وكبروا الموضوع فى دماغى اخواتى البنات اللى علطول كل مكالمه كانو يزعقولى انها لسه على ذمتى كل واحده دلوقتي عايشه حياتها مع جوزها ومعاها ولادها وانا اتحرمت من ولادى

ولادى اللى كنت كل ساعتين معاهم فديو دلوقتى معرفش عنهم حاجه بيأكلوا يشربوا جعانين حاشين بايه معرفش عنهم حاجه
بنتى الكبيره قالتلى متكلمنيش تانى احنا ربنا معانا مش عاوزينك بعد ما كانت روحها فيا ابنى الصغير اللي كنت نزلت يوم ولادته وقعدت اسبوع واحد بس وعملتله عقيقه وكنت طاير من الفرحه ان ربنا كرمنى بولد اتحرمت منه علشان العند اتحرمت منه علشان سمعت لاهلى اتحرمت منه علشان سمحت ليهم يدخلون بالقدر الكافى فى حياتى
اه نعم مراتى اقصد طلقتى مكنتش ملاك كان لسانها طويل بس كانت حنينه كانت بتحس بيا اه كانت بټشتم وتدعى بس ده وقت العصبيه بس وقت الخناق لما اخواتى يدخلون بينا كانت بټعيط كتير اخر فتره وانا مهتمتش وقولت سبها تتربى كنت بتركها باليومين مكلمهاش واكلم الولاد وهى لا
كنت تارك اخواتى يقووني عليها ومصدقهم ومكنتش بجيبلها حقها منهم
كانت تحكيلى وكنت بسكت اقول دول اخواتى مش هزعلهم رغم ان